Iosu Méndez eta Josune Azpirozek sortu zuten, beraien konpromezu sozialetik abiatuta eta animaliek behar desberdinak dituzten pertsonei eman ahal dieten laguntza handia oinarri hartuta.
Horrela 2009an Mendilur Elkartearekin elkarlanean hasten dira, bertan behar bereziak zituzten familia eta haurrei zuzendutako animaliek lagundutako jarduerak burutuz. Esperientzia positibo horren ostean eta burutzen dituzten esku-hartzeak hobetu nahian, prestakuntza espezifikoa jasotzen dute 2011n eta animaliek lagundutako esku-hartzeetan: terapia, hezkuntza eta aisialdian, espezializatzen dira.
Bere grina eta lanbidea, txakur hezkuntza eta psikologia bat egitea lortzen dute Biak Bat elkartea sortuz. Animalia eta pertsonen arteko elkarreraginean sortzen diren onurak oinarri hartuta, pertsonen bizi-kalitatea hobetzeko proiektua hain zuzen.
Gaur egun, osasun zientzien, hezkuntzan eta animalien heziketa alorreko diziplina anitzeko lantaldea osatzen dugu, aniztasun funtzionalean, gizarte zailtasunean dauden pertsonen beharretan eta animalien ongizatean espezializatutakoa.
Urte hauetan zehar, gure lanaren oinarria pertsonen eta animalien arteko elkarrekintzan gertatzen diren bi norabideko onurak izaten jarraitzen du. Animalien ongizatea erdigune izanda.
Haurrei eta adinekoei zuzendutako programak finkatzea lortu dugu, Nafarroako Gobernuarekin batera laguntza-txakurren irisgarritasunari buruzko Estatuko lehen Gida argitaratzea, baita genero-indarkeria jasaten duten haurren osasun mentala zaintzeko programa berritzaileak abian jartzea, aisialdi inklusiboa,eta Unibertsitateekin batera ikerketa programetan parte hartzea lortu nahi dugu.
Era berean, aniztasun funtzionala eta/edo gizarte-arriskuan dauden pertsonen behar eta zailtasunez jabetu ahal izan gara, batez ere landa eremuan.
Hori dela eta, 2023ko martxoan, Altsasuko gure egoitza berriaren ateak ireki genituen, non entitate gisa gure lana egiteaz gain, diziplinarteko lan-espazio bat ere izan nahi dugun, herritar guztiei irekia.
Honekin pertsonen ongizatean eragin zuzena duten lan sareak ehundu eta baliabideak ingurura hurbiltzeko asmoa dugu. Esku-hartzeetarako aukera-berdintasuna bermatu nahi dugu landa eremuan bizi direnen eta Nafarroako eta EAEko hiriguneetan bizi direnen artean.
2024ean, gure baratzeko proiektua ere martxan jartzen dugu, naturarekin lotutako ikaskuntza-gune gisa eta Baratzezaintza terapeutiko, hezitzaile eta sozialean gure ibilbidea hasten dugu.
Gure lanaren ardatza, animalien eta ingurumenaren ongizatetik pertsonen ongizatera izanda eta alderantziz.
